CLUB DE CIENCIA

O alumnado que participa no Proxecto Audiovisual do colexio fixo un precioso anuncio para publicitar a sexta edición da Cullerciencia que, como sabedes, terá lugar o sábado, 8 de xuño, na explanada do Paseo Marítimo de O Burgo. Podedes velo a continuación:

Estrenamos o terceiro Xoves de Ciencia co noso alumnado de Infantil de 5 anos e tres experimentos: un sobre electromagnetismo, outro sobre un barco de vapor e, finalmente, un sobre coloración e densidade. No seguinte vídeo podedes ver os experimentos e un resumo da xornada.    

O sábado, 4 de maio, terá lugar no Parque de Santa Margarida de A Coruña, unha nova edición do Día da Ciencia na Rúa, a feira de divulgación científica organizada polos Museos Científicos Coruñeses e que contará, un ano máis, coa presenza do alumnado e profesorado do Club de Ciencia do noso colexio, que levará o traballos e experimentos levados a cabo ao longo deste curso tanto no concurso de Ciencia coma nos Xoves de Ciencia. Na imaxe podedes ver o plano de localización de cada entidade participante. O noso centro está na número 12, na zona da Casa das Ciencias e Planetario.  

O segundo Xoves de Ciencia estivo protagonizado polo alumnado de 5º de Educación Infantil, que fixeron un proxecto sobre as plantas, o coidado do entorno e a plantación responsable, que rematou cunha experiencia sobre como plantar semillas, neste caso de lentellas e fabas. No seguinte vídeo podedes ver un pequeno resumo do seu traballo e a súa exposición.  

Comezamos os Xoves de Ciencia deste curso co alumnado de 4º de Educación Infantil. No seguinte vídeo podedes ver o seu traballo sobre burbullas de cores e a exposición que fixeron no hall do colexio para o resto do alumnado do centro.

Os nenos e nenas de 4º de Educación Primaria están a elaborar, para compartir co resto do alumnado do centro, un traballo e un pequeno concurso sobre os plásticos e os microplásticos e o problema que están a supoñer para o noso planeta e os seres vivos que estamos nel. Podedes ver unha escolma de fotos a continuación:      

Os nenos e nenas de 3º de Educación Primaria do CEIP Plurilingüe Ría do Burgo de Culleredo asistiron o luns, 29 de xaneiro de 2024, a un obradoiro de formación sobre o ciclo da auga, impartido por Augas de Galicia. Neste obradoiro aprenderon a importancia da auga para o planeta, en xeral, e para os seres vivos en particular, o ciclo que segue a auga e a importancia dos ríos e o ecosistema que forman para o planeta (vexetación, fauna, rego, risco de inundacións, ...). sabemos, por experiencia na nosa zona e, especialmente, polos nosos compañeiros e compañeiras dos outros centros do proxecto de Agrupacións de centros educativos, da importancia da auga, o seu uso e as consecuencias da súa ausencia. Por iso é moi importante coñecer concienciarnos de utilizala, desde pequenos/as, de xeito responsable. A continuación podemos ver unha escolma de fotos da actividade.