CLUB DE CIENCIA

Ainhoa e Aldara, de 5º de E. Primaria, van amosar no seguinte vídeo como facer un piano con froitas.

Inauguramos o noso primeiro xoves de ciencia no día de hoxe coa exposición de traballos e experimentos do alumnado que vai participar na XXIV edición do Día da Ciencia na Rúa (o vindeiro 4 de maio no Parque de Santa Margarida). Os nenos e nenas de Infantil e Primaria asistiron ás catro actividades presentadas que foron: Taller de momificación. Circuíto eléctrico exipcio. Piano de froitas. Luz e cor. A actividade foi moi interesante, atractiva e divertida para tod@s e xa estamos agardando ao vindeiro xoves para ver aos nenos e nenas de 6º de Infantil amosando os seus proxectos de ciencia. Podedes ver fotos da actividade.      O NOSO EQUIPO DO DÍA DA CIENCIA NA RÚA  EXPERIMENTANDO E DIVULGANDO    

Vimos de inaugurar no colexio unha exposición dedicada a Juan Lembeye, que foi un científico moi importante de Culleredo. Esta exposición pretende ser unha sinxela homenaxe á súa figura, que foi tan importante no noso concello que chegou a ser alcalde. Amosamos fotos da exposición e do traballo.  JUAN LEMBEYE  A EXPOSICIÓN-HOMENAXE NO CENTRO  AVES ESTUDADAS E CATALOGADAS POR JUAN LEMBEYE EN CUBA  SELO DE CORREOS DE CUBA CUNHA DAS AVES DE JUAN LEMBEYE AULA DE NATUREZA JUAN LEMBEYE NO XARDÍN BOTÁNICO CONCELLO DE CULLEREDO

Os nenos e nenas de 5º e 6º de E. Primaria asistiron á Feira Científica que organizou a Fundación Barrié e na que un equipo da Facultade de Ciencias da Universidade de A Coruña prepararon varias actividades e experiencias que os nosos alumnos/as realizaron e disfrutaron intensamente. Agradecemos á Fundación Barrié e á Facultade de Ciencias da UDC a súa invitación a participar e quedamos encantados e con ganas de volver. Vemos algunhas fotos aquí e todas no apartado Galería da web do colexio.  

Os nenos e nenas de 3º de E. Primaria fixeron un xogo co escornabot relacionado co tema do colexio deste ano: a civilización exipcia. Temos un taboleiro de xogo, unha tarxetas con instrucións e un escornabot. Vemos algunhas fotos da actividade:     No seguinte vídeo podemos ver o resultado.  

Carla e Nuria de 6º de E. Primaria van amosar, no seguinte vídeo o funcionamento dun volcán.

Desde o mes de abril, imos dedicar os xoves, no recreo e no plan lector, á ciencia. Os nenos e nenas de todos os cursos de Infantil e Primaria amosarán aos seus compañeiros e compañeiras os seus traballos relacionados co ámbito científico. Para iso, instalamos unha pérgola na entrada do colexio e elaboramos un calendario de actuacións, como podedes ver nas seguintes fotos. As familias teredes a oportunidade de ver todo isto na vindeira Feira de Ciencia, que imos celebrar o xoves, 20 de xuño, no colexio.