CLUB DE CIENCIA

O venres 22 de novembro a emoción sentiuse no noso colexio, xa que os alumnos e alumnas de 4º, 5º e 6º de Primaria participaron no noso IV Concurso de Ciencia. Este evento destaca non só a súa capacidade creativa, senón tamén a súa paixón e dedicación ao mundo científico. Durante semanas, os participantes traballaron en equipo para desenvolver proxectos innovadores. Os proxectos gañadores deixaron unha moi boa impresión no xurado, grazas á súa orixinalidade e presentación, demostrando que o futuro está en mans talentosas e creativas. Clic na imaxe para ver Felicitamos a todos os participantes polo seu esforzo e entusiasmo, e agardamos con moita ilusión as valiosas achegas que seguirán facendo no campo da ciencia.  Ata a próxima amigos e amigas....

Xa celebramos o noso concurso de ciencia e temos gañadores!  Queres saber cales foron? O venres despois do recreo quedamos no patio para recoñecer o traballo dos nosos compañeiros e compañeiras e anunciaremos ao proxecto gañador. Agradecemos ao alumnado que participou no concurso. Os vosos proxectos foron moi bos e divertidos. Tamén queremos agradecer ao profesorado que nos acompañou como xurado, sabemos que non foi fácil escoller ao gañador. Esperámosvos a todos e todas no noso próximo concurso....       

Ola amigos e amigas! Un ano máis celebramos a semana da Ciencia.  Xa sabedes que no noso cole puxemos en marcha o noso Concurso de Ciencia.   Aproveitamos para dicirlles que os Museos Científicos da Coruña ofrecerán entradas gratuítas desde o 9 ata o 17 de novembro. Aquí deixámosvos máis información: Para visitar o Aquarium Finisterrae hai que reservar entradas, cun máximo de 3 días de antelación, clic aquí Para as sesións de planetario da fin de semana hai que reservar entradas, con 1 día de antelación, clic aquí A visita ás salas de exposicións de Casa das Ciencias e Domus, sen reserva, sempre que a capacidade non estea completa. LIGAZÓN: clic aquí

Ola amigos e amigas! Xa está aquí o noso gran Concurso de Ciencia. É unha oportunidade para que o noso alumnado de 4º, 5º e 6º de educación primaria poida dar renda solta á súa creatividade e coñecementos científicos! Cando? Venres 22 de novembro. Como participar? Inscríbeche do 22 de outubro ao 15 de novembro. Máis información no seguinte vídeo!

  CONCURSO CLUB DE CIENCIA de Any Nícolas

Benvidos/as a un novo curso escolar cheo de ciencia e diversión! O Club de Ciencia está máis emocionado que nunca de compartir convosco todas as actividades que temos preparadas. Nosa Feira da Ciencia cumpre 7 anos! Celebraremos esta grande ocasión o sábado 7 de xuño de 2025 no Paseo Marítimo do Burgo. Será un día cheo de experimentos, demostracións e talleres para todas as idades. Non o perdas! Ademais, seguiremos participando no programa Agrupacións de Centros Educativos , xunto cos nosos amigos do CEIP Andrés García Adoitar (Lorca), CEIP Federico García Lorca (Canarias), CEIP Honduras (Madrid) e IES Néstor Almendros (Sevilla). Baixo o lema "Concienciados por un mundo mellor", seguiremos traballando en proxectos que nos axuden a comprender mellor o noso planeta e a coidar del. Teremos o noso Concurso de Ciencia para o alumnado de 4º, 5º e 6º de E.P., onde poderedes presentar os vosos proxectos científicos inspirados preferiblemente nos Xogos Olímpicos. É unha oportunidade...