CLUB DE CIENCIA

Ao longo do mes de novembro celebramos no centro a primeira edición do Concurso de Ciencia. O alumnado realizou diversos experimentos e actividades diante dun xurado de profes do centro. O veredicto do xurado foi complicado polo nivel amosado. Podedes ver as fotos a continuación. Primeiro Premio: Aroa, Noa e Sofía (5ºB). Segundo Premio: Vera e Aroa (5ºA) Terceiro Premio: Julia, Silvia e Sara (5ºA).

Ao longo do mes de novembro celebramos a XII Edición do Día da Ciencia en Galego. Celebramos o ano da economía creativa para o desenvolvemento sostible, a IA e os novos poliedros e os científicos homenaxeados son Alan Turing e Tarsy Carballal.  

O alumnado de 6º de Educación Primaria participou os días 19 e 20 de outubro nunha actividade do Programa Diana chamada "Programación creativa en igualdade". Neste obradoiro realizaron actividades sobre programación e realidade aumentada. Podedes ver algunha foto a continuación.  

A Open Science de Cambre celebrouse os días 18 e 19 de setembro. O noso centro estivo representado por alumnado de 6º de Primaria que presentaron o traballo que realizaron co CEIDA sobre as Pradeiras Mariñas e a importancia da súa conservación. Foron unhas xornadas de coñecemento e intercambio moi positivas e que supuxeron unha volta á presencialidade que tanto estabamos a botar de menos. A continuación podemos ver unha fotos da xornada:  

Comezamos un novo curso do Club de Ciencia do noso colexio (o cuarto xa) e, agora que comeza a haber un pouco máis de normalidade que no curso anterior, queremos volver a facer algunhas actividades presenciais. Este ano seguiremos a facer os Xoves de Ciencia on-line para todos os membros da comunidade educativa pero trataremos de dar un paso máis participando en actividades externas (Open Science de Cambre e Día da Ciencia na Rúa) e tamén do propio centro (a Feira de Ciencia do cole será presencial, se todo vai indo ben), ademais doutras actividades que vaian xurdindo ao longo do curso. COMEZAMOS ...

E, por fin, chegou o día da inauguración da nosa Feira de Ciencia. Se facedes clic AQU Í podedes acceder á páxina do Club de Ciencia. No apartado Feira de Ciencia poderedes realizar un tour virtual polo centro e así, en cada clase, poderedes ver os experimentos de cada aula e, na zona de pasillos e corredores, as experiencias das entidades colaboradoras. Moitas grazas a todos e todas pola vosa participación.  

Chegamos ao noveno e último Xoves de Ciencia deste curso. Neste caso é a quenda do alumnado de 4º de Educación Infantil (3 anos). Os nenos e nenas (coas mestras Iria e Aurora) amósannos facendo clic AQUÍ os seus experimentos. Grazas a todo o profesorado e alumnado do centro pola súa participación.

Como xa comentamos noutro artigo do blog, o alumnado de 5º de Educación Primaria (coas profes Paula, Celia e María) levan case todo o curso aprendendo e investigando sobre as pradeiras mariñas. Un grupo de alumnos e alumnas do centro, coas mestras, asistiron e participaron no I Congreso Escolar sobre Pradeiras Mariñas, celebrado o 11 de xuño en Oleiros. No Congreso fixeron de guías para o resto de participantes, amosando a pradeira mariña da praia de Santa Cristina que, ata o de agora, non figuraba en ningunha guía previa. Podedes ver a noticia no diario A Voz de Galicia facendo clic AQUÍ .  

Chegamos ao 8º e penúltimo Xoves de Ciencia e os nosos nenos e nenas de 5º de Educación Infantil (4 anos) xa puxenron na web os seus experimentos. Podedes velos facendo clic AQUÍ . Xa só queda unha semana para rematar e, os días 21 e 22 de xuño, teremos a nosa terceira edición da Feira de Ciencia (que neste ano tan atípico terá que ser virtual).

O Club de Ciencia do noso colexio e Afundación Abanca levaron a cabo, con todo o alumnado do centro, unha serie de actividades  de robótica para o alumnado ( "Robótica básica" para Educación Infantil, 1º, 2º e 3º de Educación Primaria e "A arte das emocións" para 4º, 5º e 6º de Educación Primaria). Foron sesións moi interesantes e educativas para fomentar o eido tecnolóxico e científico nos nosos nenos e nenas. Podedes ver fotografías a continuación.