O CLUB DE CIENCIA COMEZA UN NOVO CURSO

Benvidos e benvidas ao quinto curso do noso Club de Ciencia. Ao longo deste tempo fomos facendo varias actividades, entre as que destacan:

  • Participación en diferentes edicións de Feiras de Ciencia (Dïa da Ciencia na Rúa e Open Science de Cambre).
  • Os Xoves de Ciencia, unha actividade nas que os nenos/as e mestres/as de todos os cursos e niveis do centro, amosan e divulgan ao resto de compañeiros/as os diferentes proxectos, relacionados co eido científico, que desenvolven ao longo de cada curso. Na pandemia os Xoves de Ciencia foron en web pero, neste curso, pretendemos recuperar a presencialidade e facelos nos recreos e nas aulas.
  • Agrupacións de Centros Educativos. Rematamos neste curso o proxecto "Somos una comunidad de Ciencia" cos centros educativos: CEIP Andrés García Soler (Lorca-Murcia), CEIP Federico García Lorca (Las Palmas de Gran Canaria) e IES Severo Ochoa (San Juan de Aznalfarche-Sevilla). No curso pasado os tres centros viñeron visitarnos para ver o que traballamos en Ciencia e asistir á Cullerciencia e, neste curso, iremos visitar nós os tres centros.
  • Cullerciencia. A Feira de Ciencia que organiza o Club de Ciencia, cumpre neste curso a súa 5ª edición. Terá lugar o sábado, 10 de xuño de 2023, no Paseo Marítimo de O Burgo.

Comezamos, por tanto, un novo curso cheo de ilusión e actividades varias, que confiamos en ir ampliando.



Comentarios

Publicar un comentario

Publicacións populares deste blog

CONCURSO DE CIENCIA

Imaxe
O venres, 24 de novembro, celebramos no colexio a terceira edición do Concurso de Ciencia que organizamos dende o Club de Ciencia. Nesta terceira edición houbo unha participación record de 60 nenos e nenas de 3º a 6º de Educación Primaria. O xurado, composto polas mestras de prácticas, valorou a cantidade, calidade e presentación dos diversos experimentos, exposicións e traballos. Todos e todas son gañadores neste concurso pero a deliberación é longa e complicada e, proximamente, entregaremos os diplomas. A continuación podedes ver o vídeo da xornada:  
Ler máis

ANUNCIO CULLERCIENCIA

Imaxe
O alumnado que participa no Proxecto Audiovisual do colexio fixo un precioso anuncio para publicitar a sexta edición da Cullerciencia que, como sabedes, terá lugar o sábado, 8 de xuño, na explanada do Paseo Marítimo de O Burgo. Podedes velo a continuación:
Ler máis

CONCURSO DE CIENCIA - GAÑADORES/AS

Imaxe
O concurso de Ciencia xa ten gañadores e gañadoras. Todos e todas os/as participantes foron gañadores/as polo seu traballo e esforzo pero, ademais, o xurado quixo distinguir a varios alumnos e alumnas polo seu traballo, a súa orixinalidade e a presentación. Podedes velo no seguinte vídeo:
Ler máis