AGRUPACIÓNS DE CENTROS EDUCATIVOS - MOBILIDADE A LAS PALMAS DE GRAN CANARIA

Como xa sabedes, participamos nun proxecto do Ministerio de Educación e FP chamado "Agrupaciones de centros educativos". Somos catro centros os que formamos parte da nosa agrupación:

  • O CEIP Andrés García Soler de Lorca (Murcia).
  • O CEIP Federico García Lorca de Las Palmas de Gran Canaria.
  • O CEIP Plurilingüe Ría do Burgo de Culleredo (A Coruña)
  • O IES Severo Ochoa de San Juan de Aznalfarache (Sevilla).

O traballo da nosa agrupación leva o título de "Somos una comunidad de Ciencia". Os catro centros arriba citados participamos o pasado 18 de xuño na cuarta edición da Cullerciencia (pode verse na entrada de blog co título Cullerciencia) e, entre o 7 e o 9 de novembro de 2022 asistimos á segunda mobilidade en Lorca.

Entre o 1 e 4 de marzo de 2023 varios mestres/as dos distintos centros educativos asistimos á terceira actividade, consistente nunha mobilidade ao CEIP Federico García Lorca de Las Palmas de Gran Canaria. O traballo levado a cabo dos catro centros nesta reunión foi, entre outros aspectos, o seguinte:

  • Reunións de formación e preparación das seguintes visitas e mobilidades.
  • Planificación de futuras actividades a realizar polos membros da agrupación.
  • Inauguración e celebración, no CEIP Federico García Lorca, dunha Feira Científica, celebrada o 3 de marzo

A próxima actividade que fagamos terá lugar no IES Severo Ochoa de San Juan de Aznalfarache (Sevilla). A continuación podedes ver unha escolma de fotos.


























 

Comentarios

Publicar un comentario

Publicacións populares deste blog

CONCURSO DE CIENCIA

Imaxe
O venres, 24 de novembro, celebramos no colexio a terceira edición do Concurso de Ciencia que organizamos dende o Club de Ciencia. Nesta terceira edición houbo unha participación record de 60 nenos e nenas de 3º a 6º de Educación Primaria. O xurado, composto polas mestras de prácticas, valorou a cantidade, calidade e presentación dos diversos experimentos, exposicións e traballos. Todos e todas son gañadores neste concurso pero a deliberación é longa e complicada e, proximamente, entregaremos os diplomas. A continuación podedes ver o vídeo da xornada:  
Ler máis

CULLERCIENCIA 2023

Imaxe
O sábado, 10 de xuño, de 2023, celebramos a quinta edición da Cullerciencia (a Feira de Ciencia que, en colaboración co Concello de Culleredo e a FECYT, organiza o Club de Ciencia do CEIP Plurilingüe Ría do Burgo. Houbo 40 tendas nas que alumnado e profesorado de diversos centros educativos de todas as idades, alumnado e profesorado da Universidade de A Coruña e, en xeral, diversas entidades relacionadas co eido da Ciencia, que presentaron aos numerosos/as asistentes diversas actividades científicas. Tamén tivemos tres charlas de Ciencia que foron especialmente interesantes e motivadoras e diversos obradoiros. Foi unha xornada de divulgación e disfrute para todos os públicos. Xa estamos a preparar a edición do ano 2024 (facede un oco nas axendas para o 8 de xuño de 2024). A continuación podedes ver unha escolma de enlaces e fotos sobre a Feira. ENLACES https://www.lavozdegalicia.es/noticia/coruna/culleredo/2023/06/02/cullerciencia-cuenta-edicion-presencia-cientificasveronica-bolon-alic
Ler máis

CONCURSO DE CIENCIA - GAÑADORES/AS

Imaxe
O concurso de Ciencia xa ten gañadores e gañadoras. Todos e todas os/as participantes foron gañadores/as polo seu traballo e esforzo pero, ademais, o xurado quixo distinguir a varios alumnos e alumnas polo seu traballo, a súa orixinalidade e a presentación. Podedes velo no seguinte vídeo:
Ler máis