AGRUPACIÓNS DE CENTROS EDUCATIVOS - MOBILIDADE A SEVILLA

Como xa sabedes, participamos nun proxecto do Ministerio de Educación e FP chamado "Agrupaciones de centros educativos". Somos catro centros os que formamos parte da nosa agrupación:

  • O CEIP Andrés García Soler de Lorca (Murcia).
  • O CEIP Federico García Lorca de Las Palmas de Gran Canaria.
  • O CEIP Plurilingüe Ría do Burgo de Culleredo (A Coruña)
  • O IES Severo Ochoa de San Juan de Aznalfarache (Sevilla).

O traballo da nosa agrupación leva o título de "Somos una comunidad de Ciencia". Os catro centros arriba citados participamos o pasado 18 de xuño na cuarta edición da Cullerciencia (pode verse na entrada de blog co título Cullerciencia) e, entre o 7 e o 9 de novembro de 2022 asistimos á segunda mobilidade en Lorca. Entre o 1 e 4 de marzo de 2023 varios mestres/as dos distintos centros educativos asistimos á terceira actividade, consistente nunha mobilidade ao CEIP Federico García Lorca de Las Palmas de Gran Canaria.

Finalmente, do 19 ao 22 de abril de 2023, realizamos a cuarta e última mobilidade do proxecto, consistente nunha mobilidade ao IES Severo Ochoa, de San Juan de Aznalfarache (Sevilla). O traballo levado a cabo dos catro centros nesta reunión foi, entre outros aspectos, o seguinte:

  • Reunións de formación e preparación das memorias e xustificacións pertinentes do proxecto.
  • Planificación de futuras actividades a realizar polos membros da agrupación (aínda que a mobilidade remata, queremos continuar traballando en conxunto e participar, se é posible, nunha nova convocatoria de Agrupacións, continuando coa temática e incluíndo máis elementos, actividades e centros educativos).
  • Inauguración e celebración, no IES Severo Ochoa, da VII edición da Feira das Culturas, que tivo lugar o 21 de abril de 2023.

A experiencia foi valorada moi positivamente por todos os centros integrantes da Agrupación (tanto para alumnado coma para profesorado) e temos a intención de continuar con esta iniciativa. A continuación podedes ver unha escolma de fotos.






















































 

Comentarios

Publicar un comentario

Publicacións populares deste blog

CONCURSO DE CIENCIA

Imaxe
O venres, 24 de novembro, celebramos no colexio a terceira edición do Concurso de Ciencia que organizamos dende o Club de Ciencia. Nesta terceira edición houbo unha participación record de 60 nenos e nenas de 3º a 6º de Educación Primaria. O xurado, composto polas mestras de prácticas, valorou a cantidade, calidade e presentación dos diversos experimentos, exposicións e traballos. Todos e todas son gañadores neste concurso pero a deliberación é longa e complicada e, proximamente, entregaremos os diplomas. A continuación podedes ver o vídeo da xornada:  
Ler máis

ANUNCIO CULLERCIENCIA

Imaxe
O alumnado que participa no Proxecto Audiovisual do colexio fixo un precioso anuncio para publicitar a sexta edición da Cullerciencia que, como sabedes, terá lugar o sábado, 8 de xuño, na explanada do Paseo Marítimo de O Burgo. Podedes velo a continuación:
Ler máis

CONCURSO DE CIENCIA - GAÑADORES/AS

Imaxe
O concurso de Ciencia xa ten gañadores e gañadoras. Todos e todas os/as participantes foron gañadores/as polo seu traballo e esforzo pero, ademais, o xurado quixo distinguir a varios alumnos e alumnas polo seu traballo, a súa orixinalidade e a presentación. Podedes velo no seguinte vídeo:
Ler máis