CLUB DE CIENCIA

O noso Club de Ciencia ten o pracer de informarvos da nosa participación na mobilidade a Madrid do programa Agrupacións de Centros Educativos á feira científica CEIP Honduras, que se celebrará os días 22 e 23 de maio. Esta é unha oportunidade emocionante para que os nosos/as alumnos/as do 3ª ciclo poidan amosar os proxectos e experimentos que realizaron, nun ambiente estimulante de aprendizaxe. Como parte deste evento, seleccionaremos 3 alumnos ou alumnas do terceiro ciclo para representar ao colexio na feira. Para garantir unha selección xusta e transparente, establecemos os seguintes criterios: Interese polas actividades do club de ciencia: Valorarase a participación habitual, as preguntas formuladas e as propostas achegadas polo alumnado. Participación no concurso de ciencia: Teranse en conta as ideas orixinais, a capacidade de resolución de problemas e o traballo en equipo. Avaliarase a claridade na explicación do experimento e a capacidade de resposta ás preguntas. Comportamen...

Imaxinas un robot que salta e xira coma un acróbata de circo? Pois existe! No noso obradoiro de autómatas da biblioteca creamos un pequeno e sorprendente amigo mecánico que non para de moverse. Os/as nenos e nenas do terceiro ciclo de primaria construíron o seu propio autómata. Coas súas mans e moita creatividade aprenderon como funcionan os mecanismos e descobren a arte de dar vida a unha máquina.  Os/as nenos e nenas do segundo ciclo decoraron un cilindro e colocáronlle dous pés. Tras un pequeno empuxe ven como xira o cilindro e dá a impresión de que anda de pé.                                                    Non perdas a oportunidade de construír o teu propio acróbata mecánico.  Vémonos pronto!! Equipo Club de Ciencia

Explorando as matemáticas de forma creativa. Na biblioteca, as matemáticas transformáronse nun mundo cheo de formas e creatividade co noso obradoiro de xeometría con espellos.  Os/as nenos/as de primaria aprenderon como os espellos poden duplicar imaxes, creando simetrías máxicas.  Experimentaron con formas básicas descubrindo como poden transformar o sinxelo en algo sorprendente. Cos espellos, as figuras multiplicáronse e os patróns fixéronse infinitos, revelando novas posibilidades. Os matemáticos xogaron coa luz e a sombra, transformando triángulos en hexágonos e cadrados en octógonos. Os participantes compartiron os seus descubrimentos, enchendo de risas e curiosidade a biblioteca. Ao final, entenderon que as matemáticas son unha invitación a explorar e ver o mundo dun xeito novo e fascinante. Vémonos pronto...